第五十六回 私窝子潘三谋胠箧 破题儿姚二宿勾栏

姨手持局票，呈上季莼，嘻嘻笑道：“说是二奶奶来里壶中天，叫倪小姐个局。就是二少爷个轿班送得来票头。”季莼好似半天里起个霹雳，吓得目瞪口呆，手足无措。还是桂生确有定见，微微展笑，说声“来个”，打发轿班先去。桂生就催娘姨舀水，赶紧洗脸梳头。

季莼略定定心，与桂生计议道：“我说耐（要勿）去哉，我去罢。我横竖勿要紧，随便俚啥法子来末哉，阿好拿我杀脱仔头？”桂生面色一呆，问道：“俚叫个我（口宛），为啥我勿好去？”季莼攒眉道：“耐去末，倘忙晚歇大菜馆里哚反仔，像啥样式嗄？”桂生失笑道：“耐搭我坐来浪罢。要哚末陆里勿好哚，为啥要大菜馆里去？阿是耐二奶奶发痴哉？”

季莼不敢再说，眼看桂生打扮停当，脱换衣裳，竟自出门上轿。季莼叮嘱娘姨，如有意外之事，可令轿班飞速报信。娘姨唯唯，迈步跟去。

第五十六回终。