第五十五回 订婚约即席意彷徨 掩私情同房颜忸怩

家各通姓名，坐定。夏余庆问徐茂荣道：“耐为啥看见仔我跑得去？”茂荣没口子分说道：“勿晓得是耐呀。我就问仔声虹口杨个阿来里，匆来里末，我生来去哉（口宛）。陆里晓得耐倒来里？”余庆鼻子里哼了一声。

徐茂荣笑嘻嘻望着潘三道：“三小姐长远勿见，好像壮仔点哉。阿是倪余庆哥拨耐吃仔好物事？”潘三眼梢一瞟，答道：“耐末为仔长远勿见，再要教倪骂两声，阿对？”

徐茂荣拍掌道：“划一！蛮准！”接着别转脸去，又向华忠、赵朴斋指手画脚的，且笑且诉道：“前埭倪余庆哥来里上海末，就做个三小姐，倪一淘人才到该搭来寻俚，一日天跑几埭，赛过是华众会，拨三小姐末骂得来要死。故歇余庆哥勿来仔，倪一淘人也才匆来哉。”

华忠、赵朴斋不置一词。徐茂荣却问潘三道：“为啥倪余庆哥匆来？阿是耐得罪仔俚？”潘三未及答话。夏余庆喝住道：“（要勿）瞎说哉，倪有公事来里！”

第五十五回终。