第七回 恶圈套罩住迷魂阵 美姻缘填成薄命坑

头把手指着自己叫的倌人覃丽娟，笑道：“像倪做个相好，要好末勿要好，倒无啥。来仔也勿讨厌，去仔也想勿着，随耐个便，阿是要写意多花哚？”覃丽娟按说道：“耐说说俚哚，啥说起倪来哉嗄？耐要像俚哚要好末，耐也去做仔俚末哉（口宛）。”云甫道：“我说耐好，倒说差哉。”丽娟道：“耐去调皮末哉。倪不过实概样式，要好勿会好，要邱也匆会邱。”云甫道：“为此我说耐好（口宛）。耐自家去转仔啥念头，倒说我调皮。”朱蔼人正色道：“耐说末说白相，倒有点意思。我看下来，越是搭相好要好，越是做勿长。倒是不过实概末，一年一年，也做去看光景。”蔼人背后林素芬虽不来接嘴，却也在那里做鬼脸。罗子富一眼看见，忙岔开道：“（要勿）说哉。蔼人摆个庄，倪来豁拳哉。”

第七回终。